Assalamu'alaikum Warohmatullohi Wabarokatuh.
Seja ta'dziman, tahriman, watakriman kana di-Isromi'roj-keunna Panutan Alam Kangjeng Nabi Muhammad SAW. Ieu nadom mangrupi pepeling sangkan langkung mahabbah tur geugeut oge miconto mantenna, amiin.
Bismillahirrohmaanirrohiim
Puji sukur ka Alloh Nu Ngaisrokeun
ka Nabi Muhammad sareng Ngami'rojkeun
Anu ngandung hikmah kanggo percobian
ka manusa rék kupur atawa iman
rohmat sinareng salam mugi limpahkeun
ka gusti rosul anu tos diisrokeun
kitu deui ka aali sareng ka sohbi
umumna mah ka muminin umat nabi
waba'du maka ieu hiji nadoman
apalkeuneun barudak lulumayanan
ari nu dimaksad nyéta badé medar
riwayat isro-mi'roj anu geus mashur
dupi nami kitab pangalapannana
Kitab Dardir ngan henteu sapuratina
mugi-mugi baé aya mangpaatna
ka sakur nu maca sareng ngupingkeunna
nambihan kaimanan jeung kacintaan
ka Kangjeng Rosul anu jadi rohmatan
nganggo bahar rojaz dinadomkeunnana
mustaf'ilun genep balik dibacana
tah ayeuna hayu urang ngawitan
nyarioskeun isro-mi'rojna panutan
tapi poma dina macana sarengan
ku banget mahabbah sareng kaimanan
kacarios hiji waktos Kangjeng Rosul
caket Baetulloh di Hijir Ismail
bari ébog dihapit dua pameget
nyaéta Hamzah jeung Ja'far anu geugeut
nuju kitu sumping Malaikat Jibril
sareng anu sanés sinareng Mika'il
maka terus Kangjeng Nabi dicarandak
ka Sumur Zamzam maksad badé dibelék
Tidak ada komentar:
Posting Komentar